दरखास्त फाराम भर्नुभन्दा पहिले उम्मेदवारहरुलाई आवश्यक पर्ने कुराहरुः

• उम्मेदवारको दुवै कान देखिने 150 Pixel को Scanning गरेको वा Camera बाट खिचेको पासपोर्ट साईजको Digital(image/ jpg/jpeg/png) फोटो ।
• उम्मेदवारको दस्तखतको Digital(image/ jpg/jpeg/png) कपी ।
• कार्यअनुभवको हकमा अनुभव सम्बन्धी विवरण भरी सम्बन्धित संस्थाले सिफारिस गरिदिएको प्रमाणपत्रको Digital (pdf) कपी ।
• न्युनतम शैक्षिक योग्यताको प्रमाणपत्रको Digital (pdf) कपी ।
• उम्मेदवारको ब्यक्तिगत विवरण, शैक्षिक योग्यता, तालीम, अनुभव लगायत दरखास्त फाराममा माग गरिएका अन्य विवरणहरु ।
• एउटा विज्ञापन नम्बरमा apply गरीसकेपश्चात् पुनः edit गर्न वा apply गर्न नसकिने भएकोले उमेद्वारले कुन तह, पद, समावेशी समूह तथा सहायकस्तरका पदमा कुन क्षेत्रको विज्ञापनमा आवेदन गर्ने हो सोही अनुरुप विज्ञापन नम्बर छनौट गर्ने ।
• विज्ञापनमा उल्लेख भएबमोजिमको न्यूनतम शैक्षिक योग्यता पुगेको छ, छैन ख्याल गर्ने । (जस्तैः तह-७, प्रशासकीय अधिकृत पदका लागि स्नातकोत्तर तह उत्तिर्ण, लेखा अधिकृत पदका लागि वाणिज्यशास्त्र वा व्यापार प्रशासनमा स्नातकोत्तर तह उत्तीर्ण तथा कानून अधिकृत पदका लागि कानूनमा स्नातकोत्तर तह उत्तीर्ण)
• न्यूनतम शैक्षिक योग्यताको ट्रान्सक्रिप्ट (Transcript) र चारित्रिक प्रमाणपत्र (Character Certificate) .pdf फर्मेटमा स्क्यान गरि राख्ने ।
• नागरिकता प्रमाणपत्रको अगाडी/पछाडी दुवै भाग देखिने गरी Digital(image/ jpg/jpeg/png) फर्मेटमा स्क्यान गरि राख्ने ।
• सिप परिक्षण प्रमाणपत्रका आधारमा दरखास्त पेश गर्ने उमेद्वारहरुले शैक्षिक योग्यताको (प्रतिशत/जि.पि.ए) कोष्ठमा तह १,२ र ३ मध्ये कुन तह उत्तिर्ण हो, सो कुरा स्पष्ट रुपमा (1, 2 र 3) उल्लेख गर्ने ।
• विदेशी शिक्षण संस्थाबाट प्रमाणपत्र पाएका उम्मेदवारहरुको हकमा समकक्षता (Equivalence) तथा अधिकृतस्तरका इलेक्ट्रिकल/मेकानिकल/सिभिल/सर्भे/कम्प्युटर इञ्जिनियर जस्ता पदका लागि नेपाल इञ्जिनियरिङ्ग परिषदमा दर्ता भएको वा दर्ताको लागि कार्वाही भइरहेको प्रमाणपत्र Uploads Tab को “अन्य कागजातहरुमा” अपलोड गर्नुपर्नेछ ।
• तह ८,९ र १० का पदका हकमा विज्ञापनमा तोकिएबमोजिमको कार्यानुभवको प्रमाणपत्रसमेत Experience Tab को “अनुभवका प्रमाणपत्रको प्रतिलिपि” मा अपलोड गर्नुपर्नेछ ।

Online फाराम भर्ने तरिका :

१.     Online मार्फत दरखास्त फाराम भर्ने उम्मेदवारले सर्वप्रथम आफ्नो User Create  गरी सो User Name बाट Login गरी दरखास्त फाराम भर्न सक्नेछन ।

२.     उम्मेदवारले आफ्नो विवरण सत्य, तथ्य, र प्रष्ट रुपमा भर्नु पर्नेछ । झुठा विवरण पेश गरेको ठहरिएमा जुनसुकै बखत दरखास्त तथा परीक्षा रद्ध गरी प्रचलित कानुन बमोजिम कारवाही समेत हुनेछ ।

३.     उम्मेदवारले एक पटक विवरण भरिसकेपछि पटक पटक विवरण भरिरहनु पर्ने छैन ।

क.    User Profile बनाउने तरिकाः

१.     प्राधिकरणको वेभसाइट career.nea.org.np मा प्रवेश गरेपछि प्राप्त हुने Screen मा देखिने Window को Register menu मा Click गर्नुपर्नेछ ।

२.     उम्मेदवारले प्रारम्भिक दर्ता फाराममा उल्लेख भएका सम्पूर्ण विवरणहरु भर्नु पर्दछ । यसरी  विवरणहरु भरिसकेपछि फारामको अन्त्यमा रहेको Register Button मा Click गर्नुपर्नेछ ।

३.     यसरी प्राप्त गरेको User Name (email address) र Password बाट नै उम्मेदवारले Login गर्नुपर्नेछ ।

४.     उम्मेदवारले Login गरेपछि Bigyapan, Personal, Contact आदि विवरणहरु रहेको Window देखा पर्नेछ । सो विवरणहरु भरीसकेपछि Window को अन्त्यमा रहेको Save and Next मा Click गरी अन्य विवरणहरु क्रमैसँग भर्दै जानुपर्नेछ ।

५.     एउटा विवरण भरिसकेपछि अर्को विवरण भर्नका लागि Next Button मा Click गर्दै जानुपर्नेछ । भरिसकेका विवरणहरु सच्चाउनु परेमा Back Button मा Click गर्नुपर्नेछ ।

६.     उम्मेदवारले आफ्नो मुखाकृति स्पष्ट देखिने हालसालै खिचेको पासपोर्ट साइजको (कम्तीमा १५० पिक्सेल) फोटो र स्पष्ट देखिने दस्तखतको नमुना Scan गरी Upload गर्नुपर्नेछ ।

७.     फोटो र दस्तखत Upload गरिसकेपछि उम्मेदवारले आफ्नो विवरणको Preview हेर्न सक्नेछन ।

ख.    परीक्षा दस्तुर बुझाउने तरिकाः

     उम्मेदवारले सम्पूर्ण विवरण भरी सकेपछि Vacancy Tab मा रहेको विज्ञापन किसिम अन्तर्गत अधिकृत स्तर र सहायक स्तर मध्ये कुनै एउटाको छनौट गरी विज्ञापनमा उल्लेखित विवरणहरु भरी सकेपछि Save & Next गर्ने । त्यसपछि Payment Tab भित्र गै Payment Mode हरु eSewa, connectIPS , Fonepay वा Token Pay मध्ये कुनै एकबाट तोकिएबमोजिमको परीक्षा दस्तुर बुझाउन सक्नेछ ।

     उक्त Payment Mode हरु मध्ये eSewa, connectIPS र Fonepay को हकमा सो सेवा प्रदायक संस्थाबाट प्राप्तहुने Username र Password प्रयोग गरि Payment गर्न सकिनेछ ।

     Token Pay को हकमा System बाट generate हुने Token Number सुरक्षित राखी विज्ञापन प्रकाशित भएको मितिले २१ दिनभित्र रकम भुक्तानी गर्दा सिंगल दस्तुर बराबरको रकम eSewa, connectIPS, Fonepay बाट गर्न सकिनेछ तर २१ दिनपछिको ७ दिनभित्र भुक्तानी गर्दा डबल दस्तुर बरावरको रकम लाग्नेछ ।

ग.    प्रवेशपत्र लिने तरिकाः

१.     उम्मेदवारले प्रवेश पत्रका लागि आफ्नो Username (email address) र Password बाट Sign In गर्नुपर्नेछ।

२.    Sign In गरेपछि देखिएको Window को Home Menu को Admin Card मा Click गरी आफूले फाराम भरेको विज्ञापनको प्रवेशपत्र हेर्न सकिन्छ । उम्मेदवारको  परीक्षा दिन आउँदा अनिवार्य रुपमा सोही प्रवेश पत्र Print गरी ल्याउनुपर्नेछ ।

थप जानकारीका लागिः

पदपुर्ती विभाग : 01 - 4153048, 9849443854

For Technical Support

IT Department: 01-4153137, 01-4153060

सम्पर्क गर्न सकिनेछ ।